قلة حيلة..وحبة يأس
اقول ايه..كل الكلام اللى اتقال وهيتقال فيها
ممكن يكون عن فرح ..ممكن يكون عن حزن..والفرح جميل والحزن جميل ويليق عليها
.......
بنكتب عشانها ونحلم عشانها ونموت بدالها..مبتخافيش على ولادك عشان ولاد هرمة..وانتى هرمة والزمن صاحبك وطوعك..متخلدة ومتأبدة ومستعبدة العدل والرحمة
ليه بس قاسية يا مصر
....
بحرقة دم فى مكانك ولا فى مظاهرة..يدمى القلب ويكبر الجرح وانتى واقفة فى مكانك تشاهدى موتنا..عشان الدهر فايتك وايده مش على رقبتك..نهون عليكى كده؟
وتيجى تبكى..قال ام ثكلى..يا قاتلة
ليه بس نهون يا مصر
....
الهم كل الهم..ازاى تكونى الاولى ..ازاى تفوقى الكون وتعدى كل الخلق..همى وهم الكل ..ايه تورثى منا..ازاى نسيبك وانتى احسن ما كنتى..ازاى نفوتك ليومك اللى بعد يومنا
ايه رأيك لو نرمى طوبتك ونتوب بقى عنك؟
posted by مريم @ 10:11 AM
9 Comments:
غالبا الياس سيطر
ماهو احنا لينا حق برضو
ماهو اللي بيحصل ده كتير برضو
بس الامل في ربنا كبير
ومفيش حاجة بتفضل علي حالها
نايس بوست
مريم
العيب يا مريم مش في مصر
العيب فيلي بيحكموا مصر
انا مش مصري بس دا الواقع اللي انتي بتعانيه في مصر وبعانيه انا في المغرب وبيعانيه واحد ثالث في سوريا و...... البلاد دي هي الحكام والحكام احنا اللي بنحكمهم علينا وبنقبل نموت ونجوع ونتهلك عشان همه يفرحوا وياكلوا ويطغوا
الغلط غلطنا احنا يا مريم
بس يا عزيزتي البوست رائع وكل كلمة فيه تقطر بمعانيها
ربنا يحفظك يا مريم
الطيب
متزعليش
متزعليش مني يامصر لما اقلك اني راحل
ده حتي وانا بعيد بنتواصل
مش بايدي غصب عني لما ببعد
اصلي لو قعدت مش هاسكت
وانتي عارفة الكلام عندنا مش بالساهل
خايف ! ايوة خايف
خايف اكرهك مش عايز اخسرك
وانا شايف ولادك بيهدوا حيلك
بيبعوكي وياكلوا خيرك
ومفيش عدل ولا فيه حد عادل
السكة طويلة ! ايوة عارف
وانتي صابرة ؟ طب ما انا صابر
قاسي ! لاء ياحبيبتي مش قاسي
انا مش بهرب صدقيني
انا عايل الهم وشايل
متزعليش مني يامصر اعمل ايه
عايز اموت فيكي وشرهم مانعني
عايز اشوفك حاجة تانية بس مقيدني
طب قولي انتي اقعد ولا ارحل
حتي الاجابة مش طايل
ايه يا مريومة انا اليأس ده كله ياحبيبتي متخليش الدنيا في عنيكي غامقة كده وحاولي تصبي عليها شوية لبن علشان نفتحها شوية كل واحد يصب عليها شوية لبن والله والله هتبقى زي الفل
عمرو
هوه فعلا اليأس زاد حبة وبينى وبينك انا مش راضية عن كلامى ده لانى مؤمنة ان مصر هى احنا بس هعمل ايه بقى كنت مخنوقة وطلعت همى فيها
....
طيب
الهم طال الكل فعلا بس انتو عندكوا الملك هوه الملك لكن لما يبقى رئيس جمهورية وبيستعبط وعامل فيها ملك يبقى من حقى اتنقط
...
سندباد
حلو اوى كلامك
وحسيت انه على لسانى
شكرا
....
عزيزيى قلوب حائرة
والله غصب عنى
ردك خلانى كنت هقول كلام فيه اسقاطات ابيحة وانا حالفة ابقى مؤدبة
بس هحاول اتفائل
Hello,
I have a quote, I think somehow related, "Fuck Egypt. It teaches us things and does another!"
By the way, where's your email?! I recommend that you add me; because I can't find your email 5alesss!
ahmedzidan@hotmail.com
Ty and Tc!
حبيبتي
لا تياسي هكذا وكوني اكثر تفائلا فلا شيء يستحق ياسك وما بعد الظلام الا النور
زيدان
هانت عليك مصر تشتمها
انا لما اقول هرمة فده اقرار واقع
ماهى عندها سبعتلاف سنة يعنى متبقاش نغة
وهبقى ابص ع الايميل مع انى بنصحك من دلوقتى
انا بنت خنيقة فعلا
...
ياسمين
بتسعدنى زيارتك دايما
انا محتاجة اتعلم منك التفاؤل
ما انتى شفتى كتير برضه من داخل 48
جامد ان لسه حد بيفكر ف مصر
انا بفكر ف حدود اوضتى وببنى مصر جديده
وده مش مريح
ده صعب جدا
وال بنا بنا مصر كان فى الاصل اورداتى
عشان كده مصر يا جبلايه جوايا
يعنى نصيحه انسانيه
طلعى مصر من دماغك
مفيش حاجه اسمها كده
مصر ف الحقيقه حبة ناس
وجهى كلامك للناس دول
لو خالك مش عجبك كلميه
لو مديرك ف الشغل غلس
واجهيه
لو اى حاجه اعمليها
بس بلاش تقولبي صنم اسمه تراب اسمه مصر
بس
ده مينعش ان كلامك حى
Post a Comment
<< Home