احترسى من الفرس يا ماما
اخيرا وبعد طول انتظار حل لغز فى بلد الالغاز التى لا تحل واستطعنا معرفة قاتلى السفير المصرى بالعراق ..الشهيد ايهاب الشريف..وبعد استقصاء وبحث وفحص اتضح ان يدا ايرانية غاشمة هى التى قتلته..وطبعا هذا بناءا على كفاءة المصريين الذين يعرفون الكفت..صحيح اننا الى الان لا نعرف كيف وقعت الطائرة ولا كيف غرقت العبارة ولا من احرق القطار ..ولم نكشف بعد من لوث الطعام وجعل فى كل عائلة مريض بالسرطان..ولم نشعر على مدار سبعة اعوام بمن يغتصب الاطفال ويقتلهم فى الشوارع..ولا حتى عرفنا من ازهق عشرة ارواح ومزقهم على اسرتهم واغتالهم بليل..ولكن كل ذلك وارد وجائز ولا يقف امام قدرتنا على كشف الحقائق..خاصا وقد اكتشفنا ان هناك عداءا تاريخيا بين العرب والفرس وهو عداء مستفحل منذ ايام حرب التفة حيث كانت تفة الواد عطوة المعفن توقع اجدعها فارسى على قفاه
وبالرغم من ان المسألة لا تحتاج من كتيبة النظام_جمع كاتب_كل هذا المجهود لتوضيح الخطر الايرانى على المنطقة ..فنحن نعلم ان اعداء امريكا هم اعداءنا..وهو امر معروف منذ عقود..عندما كان الامام الخمينى يعلن فى طهران ان امريكا هى الشيطان الاكبر والسادات يعلن فى القاهرة ان تسعة وتسعون فى المائة من اوراق القضية_اتضح انها اى قضية_فى يد امريكا
فلا تخافى يا مصر ..فستظلى شامخة ضد كيد الكائدين وتشيع الايرانيين..اما انا فلن اقول الا..الغوث الغوث الغوث
ادركنى ادركنى ادركنى
الساعة الساعة الساعة
العجل العجل العجل
13 Comments:
لو حد سمعك يبقي كويس
بوست فى منتهى الجمال والذكاء
بجد رائعه دايما
وإشمعنا مكتشفناش إن إيران هى الى قتلت السفير إلا لما أمريكا غضبت على إيران ؟
دة بس مجرد سؤال عابر
يا مريم
ما دمنا نحن العرب نعتقد انا اذكى من الكل واكثر تحضرا من الكل ولا تفوفنا لا الشاردة ولا الواردة وما دمنا لا نفعل شيئا ولا نصنع شيئا سنظل كما نحن محلك سر ؟؟
كلماتك صديقتي اصابت كبد الحقيقة واتفق معك في كل ما قلته
احييك يا مريم
الطيب
ملعوبة بجد
وبعيد عن شعارات وسط البلد ومفر
ات العنصرية والشوفونية والكلام ده
مصر مصر برضه
حمد الله علي السلامة
بقي كده ماعرفش انك رجعتي تاني
الا بعد تلا بوستات
انا افتكرتك سبتي التدوين
عاوزين نشاط جامد بقي
تحياتي
عزيزى البنى ادم..كفاية نبع باللى فى قلوبنا وهو التدوين اتعمل ليه مش عشان المقاطيع اللى زينا يسمعو بعض
وبعدين ايه حكاية مع ايقاف التنفيذ دى هو انت لسه متجوزتش ولا ايه!!
محمد
شكرا يا سيدى وانا بس حبيت اقول اننا فاهمين اللعبة عشان الراجل الكبير فاكرنا خرفنا زيه
عزيزى الطيب
انا بقى عكسك وشايفة ان العرب فاقدين الثقة فى نفسهم ومشكلتنا ان انظمتنا حاطة الرهان على امريكا وده قمة الغباء لان امريكا عمرها ما هتبيع اسرائيل عشانا..انا بس مش صعبان عليا غير كبد الحقيقة اللى انا اصبته ده
هستريا
طبعا مصر هتفضل مصر وموزمبيق هتفضل موزمبيق المهم المصريين يتغيروا بقى
نورت يا زعيم
عمور
ياراجل هى المدونة استخبت يعنى انت بس اللى نسيتنا
بس العود احمد
مريم
ايه حكايتك اليومين دول واخدة الاتجاه المعاكس معايا على طول ؟؟؟؟ كل حاجة عكسي ليه يا بنت الحلال ؟؟؟ المرة الجاية حكتب لك تعليق بدون تعليق وبرضه حتقوليلي انا شايفة عكسك ؟؟؟
الله يسامحك
معقول يا طيب
انت واخد المسالة كده ليه ..باين عليك مش ديمقراطى
وبعدين احنا انسانيا متفاهمين مش لازم سياسيا كمان
This comment has been removed by the author.
أووووف
طلعت إيران ؟؟؟
يا خسارة
.....
أصلي كنت مراهنة على كوريا الشمالية
إنتي عارفة طبعاً كوريا الشمالية عندها مشاكل برضه مع إيهاب الشريف الله يرحمه
كده أنا خسرت الرهان
.....
جووون بجد
تحياتي
شوفتى يا اميرة
اصل ايران دى مش سهلة ابدا وبعدين رهانك فى محله كل الحكاية ان كوريا ظبطت مع ايران وعملوا العملية لحسابهم
منورة شكرا على الزيارة
يعني انتي برده مقولتيش مين اللي فاز في حرب التفه
واحنا دلوقتي لو عملنا ثورة التفافه هنفوز ولا ايه
مش عارف بس الناس بتف على صورة واحد صاحبي من زمان وبرده مفيش نتيجه
مش مهم بس انتي برد بميت راجل
سلاااااااااااااااااااااااااااااام
يا عروسة البحر
Post a Comment
<< Home