تاج
اخيرا وصلنى تاج بعد ما ابتديت احس انى الفسيخة الميتة او بت البطة السودا ..التاج ده وصانى من احمد زيدان..نبتدى بقى..احم احم
احب شخص لقلبك؟
امى طبعا
...
انسان مستعدة تضحى بحياتك عشانه؟
انا مستعدة اضحى بحياتى لاى كلب ماشى فى الشارع
...
حد كرهتيه لدرجة الجنون واتمنيتى تمسكى سكينة تغرزيها فى قلبه وتقفى تبصى لجثته وتشفى غليل قلبك؟
انا صدعت وانا بكتب السؤال ده..طبعا عمرى ما حسيت بكده
...
ما هو اسم اجمل كتاب قرأتيه ومحتفظة به للآن؟
رمل وزبد
...
ما هواسم الكتاب الذى تعلقتى به وتقرأيه كل فترة؟
رمل وزبد
...
ماهو اهم جهاز منزلى انت متعلقة به وتستخدميه كثير؟
السؤال ده عسل اوى..عايزة بقى تركيز وحد يشغللى كتاب حياتى يا عين..التليفزيون اتحرق من شهر والبوتاجاز بيهب والتلاجة بابها بيفوت والغسالة بتكهرب والسخان بايظ والكمبيوتر بطئ وبيهنج
....
مكان تحسى بالراحة عندما تدخليه؟
المسجد
...
شئ تحس بالراحة حين تنظر اليه؟
البحر
...
مكان تحس فيه بالحنين لشئ لا تدرى ما هو وذكريات الى لا شئ؟
الاحساس الغريب ده مفتكرش انى حسيت بيه فى حتة غير اوضة العمليات حسيت انى مغادرة
...
اجمل مدينة زرتها فى مصر؟
انا عايشة فيها
...
اجمل مكان طبيعى زرته فى مصر؟
البحر بتاعنا برضه
...
شخصية كارتونية بتحبيها؟
الفار جيرى
...
نوع هاتفك المحمول
معنديش
...
اهم هدف واضعاه لحياتك الآن؟
انى استعيدها
...
مواصفات فتى احلامك؟
السؤال ده مش فى وقته خالص لانه موجود ولو وصفت هوصفه ولو وصفته هتألم لاننا مش لبعض فبلاش نقلب فى المواجع
...
شعورك لما تسمعى كلمة مصر؟
المكان الوحيد اللى ممكن يساعنى فى الدنيا دى
...
شعورك لما تسمعى كلمة يهود؟
عادى اهل كتاب وده مالوش علاقة بالصهيونية اللى انا بعاديها فعلا
...
شعورك لما تشوفى ضابط شرطة؟
فورا بتخيله وهو بيضرب
...
شعورك لما تشوفى الكناس العجوز فى الشارع؟
بحس بالذنب
...
فكرك تجاه شاب يلبس جلباب قصير وعمامة وله لحية وبجيبه سواك وبيده مصحف؟
طبعا بغض النظر عن اللحية والسواك والمصحف لانها اشياء طيبة ..انا بتستفزنى شوية الجلابية القصير وبحس ان اصحابها ضيقى الافق
...
احساس يراودك فى اشارة مرور مغلقة لمرور مسئول كبير؟
بلد حالها واقف
...
ودلوقتى التاج ده لاى حد عايزه انا اصلا ماليش فى اللينكات والحبشتكنات ومعرفش الويندوز من كوز الدرة..سلامو عليكو
posted by مريم @ 9:23 AM
18 Comments:
بوست ظريف جدا
فعلا اسكندرية احسن حتة فى الدنيا ولما بوصل هناك واشم ريحة البحر بسمع فى دماغى على طول فيروز وهى بتغنى شط اسكندرية واحس بسعادة ماتتوصفش
بس ليه الاحساس بتاع ضيق الأفق ده؟ انا مش بلبس قصير ولا حاجة بس مش الناس دول احسن من الولاد والبنات اللى بيلبسوا محزق وملزق وسلاسل وشغلانة مالهاش اول من اخر
انا معاكى ان بعض السلفيين ضيقى الأفق وبيقصروا الدين على بعض المظاهر انما التعميم شئ مش كويس
فى النهاية بردو بوست ظريف وشكرا
انتى شكلك عسولة اوى اهلا
ردودك عجبتنى بس احلى حاجة انك من اسكندرية عشقى الثالث وربما الرابع ورمل وزبد جامد جدا ع فكرة قريت منه حبه جبران اصلا ملوش حل
صعبتي عليا وانتي بتوصفي الغسالة والتلفزيون والتكييف والانبوبة ربنا يكون في عونك – علي فكرة عجبتني خفة دمك
لذيذه او لزيزة مش عارف ايهما ادق بس ردودك جميله
تحياتى
انتى سكر يا اوختشي
مريومة اجابتك وان كانت خيخفة الدم وذات طابع مرح بس برضه ممكن نستشف منها بعض سمات شخصيتك تحياتي ليكي ووحشاني جدا
هوا انا معلقتش على البوست اللى فات
يا خساره
عامه انا مستنى بوست فى نفس قوته
انا برضو اول مره أجى هنا بس عجبنى أسلوبك فى الحكى
و قلبى معاكى فى حكايه الكمبيوتر اللى بيهنج... اصل عندى نفس المشكله بس مع السخان
تخيللى بقى فى شتاء الاسكندريه و السخان مهنج و تكتشفى ده اساسا و انت تحت رحمته
تحياتى على البلوج الظريف ده
كاسبر
اولا اهلا
ثانيا يا عمنا مش معنى انى ليا
راى سلبى فى الجلباب القصير ابقى طوالى
من انصار الشباب اللى بنطلوناتهم ساقطة من وسطهم
والبنات اللى ماشية ورافعة شعار
اللى يبان منى زكاة عنى
انا ولا مع التشدد ولا مع التسيب
الاسلام اصلا دين توسط واعتدال
ماشى
...
رنا
ربنا يخليكى يا رنرون ده من ذوقك
وجبران طبعا مش محتاج ده النبى المجنون
سلام
...
سندباد
ميصعبش عليك غالى هى الحياة كده
المهم الصحة
الناصرى
الاتنين واحد
وشكرا على رايك
...
سارة
وانتى عسل يا حبيبتشى
...
قلوب حائرة
انا عارفة انى مقصرة
بس انتى مش زعلانة منى اكيد
مش كده؟
منورانى دايما
....
مزاجنجى
انا عارفة انك مشغول
بس فى حاجات جامدة ورا
استنى شوية
...
البهظ
والله انا مبسوطة جدا ومن زمان نفسى
حد من شلة الاسكندرانية يجينى
منور يا بيه
بس انا مش محتاجة اتخيل لانى عايشة فى ده
انما الكوز بيعمل احلى واجب
سلام
يعني بما ان سعادتك مستعده تضحي لأي كلب في الشارع فيا ريت تضحي بعشرين تلاتين جنيه لأخوكي عشان مزنوق
اما بخصوص فتى الأحلام ليه انتي مصارحتنيش من الأول ياه كل ده حب وانا مش حاسس
هههههههههههههههههههههه
طيب كنتي قوليلي
تحياتي يا جميلة الأسكندريه
سلااااااااااااااااام
Hello Dear,
I'm very glad that you responded to the tag. It's not mine, by the way, it was forwarded to me. But you have to wait for a next deep one - from me directly to you - will discover within you more and more. Ana wraky wraky :d!
hehe, slaaam!
تحياتي لك مريم
بوست مدروووووس وف منتهي الذكاء وخفة الدم
وسيبك من فرسان الاحلام
انت فارسة في حد ذاتك..
وتحليلك للشبان الملتحين والبنات القالعين هاااااااااااايل
فادي طه عبد الوهاب
شنكوتى
التبرع بحياتى ده حاجة بسيطة
بس انا لو معايا تلاتين جنى
طب ما اصلح التليفزيون احسن
وياريت بقى تبطل شغل التجريس ده
هتوقف حالى يا مفترى
سلااااااااام
...
زيدان
يا سيدى من غير تيجان ولا اكاليل
انا لوحدى كده شغالة وبجيب م العمق
انا اصلا بدون عشان اسيح لنفسى
باى
...
فادى
شكرا والله انك متابعنى
بس حتى لو كنت فارسة زى ما بتقول
برضه محتاجة لفارس ولا هو حلال ع الفرس
وحرام ع الفارسة ..الرحمة حلوة برضه
يا ساتر كل ده علشان عشرين تلاتين جني ده انتي طلعتي جلده ما علينا برده اللي في القلب في القلب يا ياروح الروح
ههههههههههههههههههههههه
عامله ايه يا سكره
تحياتي وشكرا على الكومنت
سلاااااااااااااااااااااااااام
أنا غيرت لينك مدونتي يا مريم
لو اعرف كنت ارسلت لك تاج من زمان
مدونتك رائعة
واجاباتك على التاج تدل على روحك الجميلة
Post a Comment
<< Home