متتالية الالم على سلم النور
قبيل الظهيرة تماما..تسلل اول شعاع من الشمس الى غرفتها..سبح بضؤه الابيض بين ملامحها فشعرت به على الفور وعادت معه من غيبتها القصيرة
كان الالم مازال يعربد فيها بسهامه الحارقة ..يغتالها بأسوأ طريقة ممكنة..يصرخ بوجهها لتبادله الصراخ ولكن الوهن كان قد تملك منها ولم يبق لديها ما ترفع به اصبع
...
فتحت عينيها ببطء..وانتظرت قليلا حتى تختفى الحلقات الملونة التى كانت تومض وتختفى امامها
ذابت نظراتها فى ارجاء الغرفة ..يمينا ويسارا..وكأنها تطلب شهودا يقصوا عليها ما حدث
...
كانت النافذة نصف مفتوحة..واليوم حار وهواءه ثقيل..ولكن هذا لم يمنع بعض النسمات من الوصول اليها وهى جالسة على الارض ومستندة بظهرها على الفراش
اكدت لها النسمات ان نصفها الاسفل مبتل.. ولكنها كانت عاجزة عن النظر..ويتملكها الرعب..ظلت نظرتها مثبتة الى السقف فترة وكانت دقات قلبها تتسارع حتى يخيل اليها انها تسمعها وليست تشعر بها وحسب
...
ضاقت انفاسها بين الخوف والجزع والالحاح بالنظر..قالت لنفسها.انتى تدركى الحقيقة..فلتعلنيها
مدت بصرها الى الامام لثوان..ثم تطلعت الى اسفل..لتراه
...
راقدا بسلام وطمأنينة رغم المأساة التى تحيط به..كان ضئيلا للغاية ورأسه مائلا بود..وكأنه راضيا عن بقاءه بين ساقيها..ملقى وسط الخلاص والدماء
...
زمت شفتيها وحاولت كبح دموعها كى لا تمنعها من النظر اليه..كان صبيا..منذ البداية عرفت انه صبى وودت لو تسميه أمل..ولكنها خشيت البوح برغبتها خوفا من اعتراض ابيه على هذا الاسم الانثوى
وها هو امامها الآن ..أمل ..ولا شئ سوى أمل..بالرغم من ان الحياة لم تدب فيه غير اسابيع معدودة ولكنه كان يبدو انسان ..شديد الكمال..لم ينل الحلم الموؤد من وسامته وجماله..تأملته مليا ..ثم نطقت أخيرا
كنت اتلهف على رؤيتك..ولكن ليس بهذه السرعة
...
كانت عاجزة تماما عن طلب المساعدة..اخذت تفكر فى اللحظة التى سيأتى فيها لينقذها..تشبثت طويلا بفكرة مجيئه اليها قبل ان ينهار عقلها امام الحقائق التى داهمته بوضوحها وحدتها
نعم ..كانت يده..تلك التى دفعتنى فى ثورة الغضب..عندما ادار ظهره لى كنت اتألم.لم اكن فاقدة للوعى..لقد سمعت الباب يصفق خلفه..لم يكن يعرف..لم يكن يقصد
ماذا سيفعل عندما يرانى هكذا..يبدأ يومه بغضب وينهيه بحزن وحسرة..هذا كثير عليه.كيف سأواجهه حين يأتى..ولماذا لا يأتى بسرعة
ان هذا النزيف يقتلنى
...
تعلقت اذنها بالباب..وكان القيظ يشتد..والنزيف مستمر..وهى لا تشعر بنصفها الاسفل.. صار همها الاكبر ان يدفعه الغضب الى اى مكان آخر فلا يأتى اليها وهو منقذها الوحيد
ولكنه عاد..فى ميعاده اليومى..وانتفض قلبها من جديد وهى تسأل نفسها عما سيحدث
حين رأته واقفا امامها ..غارقا فى الصدمة والذهول ..لم تفعل شيئا سوى ان تناديه بعينها
مد لى يديك
...
الى جوارها كان يبكى فى صمت..وهى تشتبك معه بنظراتها المتعبة..تشد على يديه بكل ما بقى لديها..تناديه بصوت يعانق الوهن
لا تبكى..ارجوك..فى المرة القادمة ستكون بنت..سنسميها أمل
...
وتبتعد عنه..تدفعها الايدى الغريبة فى الممر البارد الطويل المفضى لغرفة العمليات
تسرى القشعريرة بجسدها كله ..تجر ورائها الخدر..وتستسلم للضؤ الابيض الغامض
24 Comments:
السلام عليكم
سلمت وسلم يمينك
لهذه الدرجة ممكن التمسك بالأم أن ينسى الألم لهذه الدرجة الأمل والرغبة فى الحفاظ على من نحب يجعلنا نذل حتى لمن كابدونا العناء لهذه الدرجة الضنا
تحياتى
انا كتبت البوست ده وفضلت قاعدة
مستنية تعليق من اى حد
لانى كنت محتاجة بجد اسمع رد والحمد لله
مستنيتش كتير
شكرا يا عزيزى الطائر الحزين
وفعلا
لهذه الدرجة واكثر
وهل يوجد رجل يستحق كل هذا
انا رجل ولكني اعلم ان الرجل مهما كان يحب امراته وقد يقتل من اجلها ويفعل المستحيل ولكنه لن يقبل ابدا ان يفرط في كرامته من اجلها
اما هي فبرغم ما فعله بها تعود وتتمناه وتفكر في حزنه وانه بدأ يومه بغضب وسينهيه بحزن كيف لا تفكر ان تعاتبه او تؤنبه على فعلته بل على العكس هي نسيت فعلته ترى هل كل هذا الحب يأتي من قلبها كحبيبه ام كأم ام ماذا انا لا اعرف فهل تعرفين
سلاااااااااااااااااام
بعد ما قريت البوست فضلت قاعد علشان اكتب تعليق يناسب الحالة النفسية اللي موجدة فيه ملقتيش كلام مش عارف اول مرة اقف عاجز علي كتابة تعليق يمكن علشان - رغم اني متاكد بوجود الحب الصادق والمشاعر الصادقة - بحس انه بقي حالة نادرة تخيلي الحب بقي حالة نادرة بصراحة مش لاقي كلام اقوله انما تحياتي الشديدة
ايهاب
هو لم يكن لها مجرد زوج
او حبيب او ابن..ببساطة
هو منقذها الوحيد
...
سندباد
مش ضرورى تكتب انطباعك
المهم ان فى حاجة وصلت لك
وخلتك مصر ع الكتابة
وده فى حد ذاته بيوصلى احساسك فعلا
وانا ايضا احييك
مريووووم الجميل
شكلك حزين يا يا قمر
سيبك بقه
واللى انكسر يتطوح
ها هتنشرى امتى
اقرأى كتير انا براهن على انك هتبقى من الساردين المعدودين فى مصر
كتب شاعر وكل الافاقين خافوا
وفاض الكيل باششعاركوا وبخلافه
و واو العطف لوهتزيد على بيتك
هقول شاعر مبوظ شعر اسلافه
زيفاجو
يعنى مش عارف ليه؟
لو اقدر اطوح مكنتش استنى
بس تعرف
البوست الجاى هيبقى مسخرة انسانية
انتظرونى
...
يا صاحب الحق
بلاش الكلام الكبير ده
بس من جهة القراية انا فعلا مقصرة
بما انك بقى غاوى رباعيات
انا كنت من سنيييييييين كتبت واحدة
فى عين حبيبى اشوف نفسى
وجواها لقيت عشقى
وف لحظة داراها باجفانه
لقيت عشقى غلب نفسى
حتى فى الرباعيات متدهولة بعيد عنك
مريم
مساء الخير
لن اعلق هذه المرة على المحتوى الذي قد نتفق او نختلف عليه لكن اريد ان انوه وبشدة بكتابتك ووصفك وسردك ... هو بالفعل يا مريم جميل جدا احييكي عليه واتمنى لك دوام التألق بس اوعي لما تكبري قوي تنسينا :) حقيقي اسلوبك جميل ورائع
لك مني كل التحية والتقدير
الطيب
لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com
طيب
انا مندهشة شوية من كلامك
جايز هى كتابة كويسة بعض الشىء يعنى
بس المؤكد انها مش مقصودة
الحكاية نفسها كانت مشروع بوست فضفضة
وحسيت ان الكلام مش هيعبر عن المى
ففكرت انى انسجها قصة
لكن انا مش قاصة
بس شكرا على تشجيعك
ومتبقاش تتأخر تانى احسن انا ابتديت اشك فيك
يقال ان الضعف مظهر من مظاهر جمال المراه
احببت ضعفك
جميل جدا
ولكن لا يجب ان تضعف المراة كثيرا لان الرجل يستغل ضعفها لصالحه
سلام
فيت
كلمة احببته ادهشتنى
يمكن عشان كل الالم ده
بحس انه محتاج شفقة مش اعجاب
بس بشكرك على رأيك يا زميل
...
ياسمينا
اشكرك
لكن يجب او يجب
المسألة لا تضخع لقياس..هو قدر
سلام عليكي يا مريم
...
مش عارفة اكتب و اقول ايه ...
حلوة اوي ..بجد حلوة جدا و كلماتها قوية و احساسها عالي جدا
عارفة الموقف ده انا كتبت حاجة شبهه زمان و لكن لانها صعبة اوي اترددت اني انشرها ...بس لما قريت الموقف ده عندك افتكرت القصة اللي كتبتها
..
بجد حلوة جدا القصة و مترابطة اوي
احيانا بتكون القسوةو الغضب زياده عن الحد سبب في اكتر من الم نفسي..لانها المرة دي دمرت امل ..و روح
و مع ذلك و بالرغم من كل الم فيها الا انها كانت خايفة من انه يقسو علي نفسه ...و فكرت ازاي هتقول له علي اللي حصل
و حتي بينها و بين نفسها دافعت عنه
لانها ببساطة بتحبه ...و هو كمان بيحبها ..ارجو انه ميقساش عليها تاني
و بيتهيئلي مش ممكن بعد كده يقسو عليها
سلام
مها
مها
شكرا بجد ووحشتينى على فكرة
بس تعرفى ان انا كمان اترددت انى انشرها
كنت خايفة من نفسى ومن حد ممكن يقراها ويزعل
وانا طبعا منكرش انى ضعيفة زيها
تعرفى انى خليته بيبادلها الحب رغم قسوته
لكن فى الواقع يا سيدتى
كانت القسوة فقط هى الحاضرة
للاسف
اشكرك جدا ومتغيبيش
وبعدين
هى حلوة قوى على فكرة
قصه ممتازه فعلا و مكتوبه بحس عالي بالموضوع و شعور بالمعاناه التي تحياها انثي في هذه اللحظات من حياتها
تحياتي
نسيت اقولك حاجه
الصوره بتاعة المدونه تهبل جميله قوي جبتيها منين يا سوسه
وكويس انك غيرتي اسم المدونه حروف عربي عارف اني متأخر بس معلش انا دايما متأخر هي جت على دي يعني
تحياتي يا جميله
سلاااااااااااااام
انا اختلف مع من يرون ان ضعف المراه امام رجلها هو هتك لكرامتها طالما انها تعرف ما مقدارها فى داخله و لكن يبقى السؤال هل هى تدرك ذلك حقا او انه وهم تعيش فيه
صدقينى عندما يعشق الرجل تكسب معشوقته كل قيوده و تستطيع ان تقيدها لصالحها و لكن ذلك ان استطاعت
تحياتى يا نجمه اسكندريه
please visit, thank
علاء
يعنى ايه وبعدين
هى ليالى الحلمية يا لول
يا سيدى هى فضلت كده متدهولة
وهو برضه فضل كده يسحقها قدر استطاعته
وهى تقوله..كمااااااان
وتوته توته خلصت الحدوتة
...
ذو النون
اشكرك جدا
عموما معظم النساء احساسهم
بالامومة بيبقى موجود من قبل ما تتحقق
يعنى عشان اقول قد ايه بحب بتخيل حبيبى ابنى
وعشان اقول قد ايه فقدت برضه بصور الفقد
فى صورة ابن لان دى مشاعرنا القصوى
لان الموضوع بالنسبة لى شخصى
فدى كانت الطريقة اللى اقدر اعبر بيها
شكرا مرة تانية
...
شنكوتى
يا سيدى مش عبقرية
دى من جوجل
اصلها كده تيجى مع الهبل دوبل
وانا بقى ساعات لما اضبش ربنا يجبرنى
سلام
...
شريف
شوف هو الضعف مع الرجل فعلا مش اهانة
بس فى ناس بتضعف حتى فى حالات الاهانة
مش لان هو المسيطر
انما حاجة اكبر منها ومنه هى اللى مسيطرة
منور يا ابو اسكندر
احيانا نتعتنق الامل
لانه الوحيد الباقى الذى يمنحنا نوعا من التخلص من الالم
نحافظ على حبنا وان كان غارقا فى الدماء والدموع والتوسلات
نعتنق الامل ونحتفظ بالامل
Post a Comment
<< Home