للحزن فيوضات من نور..والفقد قدر
...
وأنا مازلت احلم بك
أراك
تحتوينى بين ذراعيك
تضغط بقوة ..غير عابئ بهزالى
تكاد أضلعى تتحطم بين يديك
...
ولكننى أفيق
وأجد نفسى وحيدة وأضلعى سليمة
تباغتنى دمعة
تفر من عينى سريعا
لتلحق بالحلم وتغيب معه
تستحثنى الآمال المجهضة على الدعاء
قولى شيئا...؟
...
أقف عاجزة بين يدى الله
ابوابه مشرعة امامى ولا اعرف ماذا أقول
فأنا لا اعرف شئ عن الحياة او الموت
ممزقة انا بين البقاء والذهاب
امد يدى فى اعماق نفسى فأجدها خالية من الرغبات
.ولكن كيف اغادر بابه هكذا ؟سأدعوه
...
يا رب..ارفعنى اليك
كما رفعت عيسى خذنى اليك
وسأشكوه لعيسى وموسى ومحمد
سأشكوه للزهراء ومريم
ربما احبوه مثلى وانتظروه معى
...
فهل ستظل قابضا على عنادك وقسوتك
اذا ما نادوك وقالوا لك
هذه الفتاة تحبك
posted by مريم @ 11:28 AM
20 Comments:
كل مرة بقرا بوستاتك بسالك نفس السؤال ياتري لسه في مشاعر بالطريقة دي وحب بالاخلاص ده
وان كان في ليه مش بنلاقه الا في خيالنا واحلامنا
الدنيا مبتديش محتاج
تحياتي
ياهمشاعر رائعه وجميله
تحياتي
اسمحيلي بعد ما احييكي على المشاعر والكلمات الحلوه دي ومش عارف الاقيلها كلمه توصف جمالها
اقول للسندباد ان المشاعر دي موجوده كتير بس للأسف مقفول عليها عشان الشخصيات اللي جواها المشاعر دي كلها بتكون خجوله جدا فمبنحسش بيها والناس اللي جواها فاضي زيهم زي الطبله الكبيره برغم انها فاضيه الا انها بتعمل صوت ضخم يزلزل
لو عايز تلاقيهم دور كويس بص في عيونهم اقرأ افكارهم انا عارف انه صعب بس صدقني لو جربت حلاوة مشاعرهم هتعرف ان التعب في الوصول ليهم يهون
احييكي يا مريم على الكلمات دي واستئذنك اني احتفظ ببيت منهم لنفسي اشيله في قلبي عشان حبيته قوي
أراك
تحتوينى بين ذراعيك
تضغط بقوة ..غير عابئ بهزالى
تكاد أضلعى تتحطم بين يديك
بجد تحياتي واعجابي
سلااااااااااااااااااااااااااااام
اولا انا عايزة اقول انى مكنتش ناوية اكتب
وكنت عايزة اسيب متتالية الالم وقت اطول
لكن تحت الحاح الاسى والضيق اللى حسيت بيه فجأة
كان لازم اتكلم وفى هوجة المشاعر دى
نسيت اكتب العنوان اللى كان هيبقى
بين الحلم والدعاء
...
سندباد
اكيد المشاعر لسه موجودة
ومش عايزاك تفقد ايمانك مهما شوفت
انا نفسى باخد ضرب مخدوش حرامى فى حارة سد
وبرضه عندى الايمان بالمشاعر دى
...
ابن ناصر
اشكرك جداااا
وتحياتى يا اخى
...
ايهاب
شكرا ع الرد والكلام المنطقى والهادى
مع انه كان فيه طبل ودربكات وحاجات كده
بس انت وصفت بدقة
ولو انك عقدتنى لان انا مش بدى فرصة لحد يبص فى عنيا
يعنى يظهر مفيش امل ولا ايه
شوف والنبى طريقة تانية
السلام عليكم
كونى نفسك
والجأى لله وحدة هو خير معين
يامريم اذا تركك أحد فاصبري واصمدي واعلمي انك انت الاقوي
كفي عن الشكوي
لك كبرياءك
لاتتنازلي عنه
ولنترك الاخرين وخياراتهم
انا فعلت هذا قبلك
حدث مع حدث حين رحلت عني
لكني آمنت بالله
وبنفسي
والأيام تخبيء كل الفماجآت الجميلة
ارجو الا تطرقي هذا الباب مرة اخري ياعزيزتي
واكتبي لنا عن اشياء اخري نستمتع بك فيها اكثر
ونسمع الي وجهات نظرك
انت استثناء في عالم التدوين
فلاتحرمينا منك
فادي.....
طبعا مش محتاج اقول اسمي ثلاثي ياجميل!!
ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم
كلامك لمسنى او بجد كنت هاعيط
يارب يحس بيكى و بحبك ليه
سلام عليكي يا مريم
هو ممكن كل الحب ده يقابل بكل القسوة دي ؟؟
:(
خسارة صدق الاحساس يضيع امام كبرياء و قسوة البشر
..
كلماتك جميلة اوي يا مريم و ارجو الا تكون من واقع تعيشين فيه
سلام
مها
ايه يابنتي الجمال ده كلمات هادفة تسعد اى قلب عاشق ومحب للحب
الطائر الحزين
اكيد لازم الجأ لله
مالناش غيره
شكرا يا اخى
...
فادى
يعنى يا استاذ فادى انا واحدة
لسه يادوب متسابة
عايزنى ازغرط يعنى
ده وجعى
انا عارفة ان فى ناس بتضيق بضعفى
حتى اصحابى بيبقوا عايزين يضربونى
بس انا كده
بحب بجد وبحزن بجد
عشان كده لجأت للمسيح والكليم والامين
استعنت بالزهراء النطفة المباركة
ومريم المصطفاة المطهرة
لان انا منهم ..تابعة مخلصة مؤمنة
انا عارفة انهم هيبقو احن عليا من كل الناس
بس متزهقوش كده لانى بين كل حين ومين
لازم اعيطلكو شوية
...
داليا
يا حبيبتى اشكرك جدا
واسفة لو وجعتك
بس يسعدنى ان حد يحس بيا
شكرا
...
مها
للاسف يا ميهو
واااااااقع
ادعولى انسى
...
قلوب حائرة
شكرا يا سيدتى
اسعد الله ايامك
مريم اولا الحب ده كله بيغيظني الى اقصى حد خصوصا انه سعادته مش حاسس ولا عامل نفسه مش حاسس
تانيا انا لاول مرة بشوف واحدة بتزعل وبتعيط لان اضلعها سليمة وما تكسرتش ؟
تالتا والاهم كلامك جميل زيك ويقطر حبا لكن ما قيمة الحب ان لم يكن متبادلا ويتبادله طرفان اثنان
يا مريم ارحمي نفسك بقى وبصي في الجهات الاخرى ولا تركزي التحديق في اتجاه واحد
ودمت
الطيب
مريم
انا وجت لك دعوة ارجو ان تقبليها ..
مري علينا .. الدعوة هناك في الطيبون اللي هما احنا ؟؟؟؟
طيب
والله انا عارفة انى اغيظ
هحاول صدقنى
ربنا يخليك ليا يا طيب
للحزن فيوضات من نور..والفقد قدر
وماصعبه من قدر
لزم علينا تقبله
واصبح كل مانفعله ان نقلب هذه
الوريقات التي سطرها
غيرنا ووضعنا فيها
ديما بشوف نفسي فكل الي بتكتبيه
بجد انتي رائعه
ربنا معاكي
أرق تحياتي
محض روح
شكرا جدا
وبجد كلامك بيعنى لى كتير
لانى بحبك جدا
بس الحمد لله انا احسن دلوقتى
لجأت لله ووجدت بعض السكينة
اشكرك مرة تانية
بصي يا مريم جايز فيه طريقه تانيه غير العيون عشان الواحد يعرف اصحاب المشاعر الرقيقه بس بتاخد وقت شويه
اسمعه وهم بيتكلموا
هتسأليني وبتاخد وقت ليه هاقولك عشان الرقه اللي جواهم والخجل اللي بيحمر خدودهم بيقلل كلامهم كتير فبيكون نادرا لما يفتحوا قلبهم ويتكلموا براحتهم عموما زي ما قلت المره اللي فاتت مش مهم الوقت قد ايه ولا التعب عشانهم لأنهم اجمل من اي تعب ويهون عشانهم كتير
تحياتي وشكرا على ردك الجميل على البوست بتاعي
سلااااااااااااااااااااااااااام
احساس رائع يا مريم وكلمات اروع
حزينة في مضمونها لكني لا استطيع لومك
فمن مثلي يفهم كيف تخرج الكلمات حزينة رغما عني
سلام
تحية طيبة الاخت مريم
هو إحساس قادر على التحدي والمجابهة لكن يبقى الرومانسيين قلوبهم ضعيفة جداً جداً
أليس كذلك ؟
دمت بخير
ايهاب
والله اديتنى امل
شكرا يا جميل
...
ياسمينا
ما كنت اتمنى ان يجمعنى الحب بالحزن
ولكنه قدرى
اشكرك جدا
...
س.اومرزوك
هو كذلك
بل قل انى اتحدى بضعفى
وكأنى اقول هل هناك من هو اضعف منى؟
شكرا على الزيارة
Post a Comment
<< Home