تاج حبنا
التاج ده مرسل لى من الصديقة ليمونادة..واحلى حاجة لما تحس ان فى حد متعرفهوش شخصيا ومهتم بيك وعايز يعرفك..محبة لوجه الله..عشان كده بقول تاج حبنا على وزن قلة حبنا وفجلة حبنا..ونخش فى الاسئلة
اسم مدونتك ؟
الكرمة
لماذا اخترته؟
احب لفظ الكرمة جدا واراه شديد الشاعرية ..ولكن السبب المباشر لاختياره اسما لمدونتى فهو هذا الحديث الذى قرأته منسوبا لسيدنا محمد صلى الله عليه وآله وفيه يقول..لا تسموا العنب كرما فالكرم قلب المؤمن..ومن يومها ازداد تعلقى بالاسم حتى انى افكر فيه اسما لابنتى
فكرتى فى اغلاق المدونة؟لماذا؟
لم افكر بعد..فمازالت هى المنفذ الوحيد للتعبير عن نفسى
صورتك فى المدونة ورمزيتها؟
صورة للبحر ..ولا ترمز لشئ..فقط انا احب البحر
لماذا دخلت عالم التدوين من الاساس؟
فى البداية طبعا من خلال قراءتى للمدونات واهتممت بالفكرة جدا ثم وجدت فى نفسى ميلا للكتابة_ولا يعلم سر هذا الميل الا القديسون كما يقول جبران_فبدأت اكتب لعلى اصل لاحد ويشعر بى..التواصل هو كلمة السر
كلمة قيلت لك فى وصف مدونتك؟
كلام كتير ويدهشنى حقا واحيانا اشعر بالمبالغة
التعليقات بالنسبة لك واهميتها؟
تهمنى جدا طبعا وخصوصا عندما اشعر بصدق تفاعل صاحبها مع كتابتى
افضل تدوينة؟
كلام كتير يؤثر فى ولا استطيع تحديد واحدة بعينها
افضل مدونة؟
برضه كتير ..اصحاب الاقلام الجيدة يملأون الصفحات
اسوأمدونة؟
بصراحة اكره مدونات المثليين والمثليات واكثر ما يضايقنى اصرارهم على القول بأن الجنس لا يمثل كل شئ فى حياتهم..اذا كان الامر هكذا فلماذا تعرفون انفسكم من خلال ميولكم الجنسية فيقول الواحد عن نفسه انه مثلى وتسمى اخرى مدونتها يوميات امرأة مثلية فأنا رغم انى سوية لم اسمى مدونتى يوميات امرأة تفضل الخناشير ..وزملائى لا يعرفون انفسهم بفلان يكتب قصص وبيحب المزز..ده حتى الله لا يحب الجهر بالسؤ يا ناس
ماذا يحدث لبريدك بعد موتك؟
يموت معايا
من اعطيته الباسورد؟
اعطيته مرة لصديقة لتؤد لى خدمة ولا اظن انها احتفظت به
مدى علاقتك بها؟
هى صديقتى المقربة طبعا
اسمك؟
مريم..هبة..زينب..ونقى واختار يا عبد الستار
سنك؟
23
برجك؟
القوس
دراستك؟
لم تستكمل
شخصيتك نوعها ايه؟
ضعيفة شوية ولو ان فى حاجات بتعمل لى توازن زى ايمانى العميق بالله
مودك ايه؟
لما بضحك واهزر بحس انى نفسى بس ساعات بيبقى مودى سوداوى وبيبقى وشى يقطع الخميرةم البيت
السفر بالنسبة لك؟
تجربة مهمة وشيقة وهتكون ممتعة بس اخوضها على طريقتى
الاكلة المفضلة؟
حاجات كتير بس الجمبرى لا يقاوم..وباكله كل خمس سنين تقريبا
الحاجات اللى خدتها من ماما وبابا؟
طبعا هما جيل وانا جيل يعنى مختلفين فى معظم افكارنا بس المبادئ والاخلاق دايما واحدة..والحمد لله انا طيبة شوية زى ماما بس مش قد طيبتها وبابا ممكن اكون خدت منه الاهتمام بالكتب
اكتر ست حاجات بكرهها؟
الظلم..الكدب..الخيانة..التجديف بالله..التطرف..اسرائيل_الدولة مش النبى طبعا
اكتر ست حاجات بحبها؟
العدل..الصدق..الاخلاص..الايمان..الحب..مصر_الدولة مش مصر مبارك طبعا
الشغل بالنسبة لك؟
حلم لسه متحققش
الانترنت بالنسبة لك؟
وسيلة مهمة جدا واهم ثورة فى عالم الاتصالات والمعلومات بس الخطر انها تاخدنا والواحد يلاقى نفسه مشدود بالساعات قدام حتة ساعات وشوية اسلاك..الحياة مش كده
posted by مريم @ 9:43 AM
12 Comments:
مريم
اسجل حضوري يا مريومة ولي عودة
الطيب
كل تاج انت بخير
اللهم زد فى ايمانك بالله أ:ثر واكثر
دعواتك
اجاباتك تدل على شخصية جميلة ومحببة
كلي جمبري اكثر بس لو بتحبيه
:)
تحياتي
التاج ده انتشر بشدة
جميلة اجابتك
تحياتي
متشكرة جدا انك قبلت التاج
طول امبارح وانا بدخل مدونتك عشان اكون اول تعليق
اجي الصبح الاقي 4 معلقين قبلي
يلا كلو نصيب
عارفة فيك روح جميلة جداواجاباتك عسل وسكر
بجد انا مبسوطة من التاج الي خلاني اعرفك اكثر
تحياتي ومودتي
نهارك نعنشة
جميلة جدا كل تلك الاجابات
ولكن مين عبد الستار
عشان نساله
مع تحياتي
أنا فرحان لأن أول زيارة لي عندك ألاقي فيها التاج
يعني جيت من بعد ناس كثير وعرفت حاجات كثيرة عنك
هههههه
من أجوبتك الجميلة لاحظت إنك إنسانة رقيقة وشخصيتك هادئة وحقانية
ربنا يسعدك و يحقق لك أحلامك
آه إفتكرت التاج دا أنا اللي مررت لليمونادة
متنسيش تشكريني و إنت بتردي ههههه
وكمان ركزي وإنت بتكتبي علشان فيه إثنين سندباد هنا
أنا وأخويا..الشرير والطيب زي الأفلام الهندي ههههه
طبعا أنا هو الشرير
فرصة سعيدة يا أفندم
تاج مشكور
و ذنب مغفور
ابو مفراح
كل تاج وانتى طيبه
تاج حلو اوى واجوبه جميله وحسيت فيها كلها بالصدق
تحياتى
كل تاج وانتي طيبه يا جميل :)
طيب
محسسنى اننا فى مدرسة
على كل حال ابقى هدى المرة الجاية
...
الطائر الحزين
والله بدعيلكوا على طول
منور
...
ياسمينا
ربنا يخليكى يا جميل بس الجمبرى ده عايز ميزانية لوحده
سلام
سندباد
اشكرك بجد بس التاج ده من زمان اوى
بس كان نفسى ارد عليه
سلام
...
ليمونادة
صباحك فرفشة يا جميل
وشكرا على كل الكلام الجميل ده
منورانى
...
حائر فى دنيا الله
بقى متعرفش عبد الستار هذا الرجل ذو الصلعة الجذابة
بتاع تلاجات الكتروستار معقولة دى
منورنى يا سيدى
...
سندباد
شكرا بجد وطبعا انا مش هغفل حقك وانت اللى مررت التاج
وبالنسبة ليك انت وسندباد انا بفرقكو بالحروف وكلكوا طيبين يا سيدى
منورنى
...
ابو مفراح
آمين يا اخى وابقى سلملى على مفراح وام مفراح
سلام
...
محمد حمدى
وانت طيب يا سيدى وشكرا جدا
...
روزا
وانتى طيبة يا قمر
Post a Comment
<< Home