فى نهاية الخدمة
..قلبى حزين
مش مكتئب
شجنه الجميل
بقى حته منى
..قلبى اللى داب
..وشبع عذاب
...والعشق كان
من حسن ظنى
..القلب ده
حلمه بسيط
..هو صحيح مؤمن حكيم
لكن كتير بيكون عبيط
...عايز يحب
!ونظره ضعيف
طب اعمل ايه
اشيله يعنى!؟
ده حتى طيب جدا
غلباااان بالقوى
..بتفرحه
كلمة بحبك
..وبتجرحه
كل عبارات التمنى
..قلبى الشباب
للأسف
شكله كده هيطلع معاش
مع أنه_ويا للعجب
لسه بيفكر يغنى
posted by مريم @ 8:42 AM
19 Comments:
هاى ... كويس ده أول تعليق
بس ليه الكأبة دية كلها انتى لسة صغيرة على المعاش والحورات دية ومهما شفتى من تجارب تعبتك فى حياتك فده ممكن يبقى ابتلاء من ربنا او اختبار لمعرفة قوة ايمانك
اثبتى شوية وخليكى راجل
مريم
ايه ده صلاح جاهين ؟ ولا فؤاد حداد ؟
كتابتك جميلة والفكرة جميلة وده اكيد وده لازم لانك انتي جميلة وجيلة
الطيب
و زي ما قال
من زمان
و حيفضل في قلوبنا لآخر الزمان
أجمل ما فيها العشق و المعشقة
و شويتين الضحك و التريقة
و عمك و عمنا و عم كل ولاد و بنات البلد
برضو قال
أنشد يا قلبي غنوتك للجمال
و أرقص في قلبي من اليمين للشمال
ماهو مش بعيد تفضل لبكرة سعيد
ده كل يوم في الف الف احتمال
و لا كلام من بعد ذلك يقال
موضوع حسيته و كل من زي و زيك حيحسه
تحيااااااااااتي
مريم
كل ما اقول انا كمان حاطلعه عن المعاش
الاقى حد قدم طلب استمرار خدمه
وفى الاخر
بدل ما يطلع معاش بكرامته
تلاقيه بيترفد
من الشغل
غصب عنه
اوعي تكوني حتسبية يغني
او يفرح
او يحب
او يعيش شبابة
:(
:(
-----
فكرتيني بمنير و اغنية حد عاوز قلب فاضي
بس بنهاية مختلفة
لسه بدرى على المعاش .. بدرى قوى
ربنا يسعد قلبك
المهم ان لك قلب هذا فى حد ذاتة انجاز
اللهم اجعلنا ممن تلين قلوبهم
ونعوذ بك من قسوتة
كيف حالك الآن
تحياتى
جامدة جدا
تحفة
بجد روعة
يا بنتي الكلام بتجيبي منين
ماشاء الله عليكي
حاسة في كل حاجة
كل حرف وكل حركة
بس مش عارفة اعبر زيك
بجد هايلة
حدوتة
هو امتحان بس صعب اوى
وايه خليكى راجل دى يا عم دى هى شوية انوثة ماسكين فيهم بايدينا وسناننا
قول خليكى قوية جامدة مش راجل
ماشى يا ابو اسكندر
...
الطيب
كداب موت بس كدب جميل يعنى
انا اصلا منفعش اعدى جنب صلاح او حداد
وكأنى مش عارفة قيمتهم
ع العموم شكرا يا طيوب
...
angelic devil
وبرضه قال
حبيت لكن حب من غير حنان
وصاحبت صحبة مالهاش امان
رحت لطبيب واكتر لقيت بلوتى
ان اللى جوه القلب مش ع اللسان
وانا بلوتى ام الحب اللى من غير حنان
زهقت والله م القسوة
مش اطلعه معاش ارحم
...
شيرين
بصى بقى انا عنددى فكرة
احنا نعمل له كلمة سر
شوفى انتى محتاجة ايه
فهم حنية اخلاص تضحية
الهمام بقى اللى يقدم لنا اللى احنا عايزينه نفتح له الباب
انا عن نفسى عيزة حنية
مش نفتحه سداح مداح لكل من هب ودب يمرمط فيه ويمرمط فينا
ولا ايه يا شيرى
...
اسكندرانى فى الغربة
ازيك يا ابو حميد
يعنى انت عايزنى اخرسه خالص
ماشى يا عم المفترى
هخرسه بس لو زهقت هخليه يغنى تانى واللى يحصل يحصل
...
عالمى ازرق
هو مش بالسن لكن بالاسى وانا شفت اسى يهد جبال
ربنا يخليكى
...
الطائر الحزين
اسعد الله ايامك يا اخى
انا كويسة ومبسوطة ومفرفشة زى ما انت شايف كده
الحمد لله على نعمة الايمان
كفاية نطلع م الدنيا بيه
سلام
...
ليمونادة
على طول كاسفانى يا ليمو
يا بنتى بلاش الكلام الكبير ده احسن اصدق
ربنا يخليكى
سلام
تتشرف اسرة يالانفضحهم
بدعوة سيادتكم لافتتاح مقرها بالاسكندرية
مركز ضحايا
للاستشارات القانونية والتأهيل النفسى
محاضرة بعنوان مبادىء واساسيات حقوق الانسان
وورشه عمل لتقسيم فريق الاسكندرية وذلك يوم الجمعة اوافق 14/12/2007 فى تمام الساعة الواحدة ظهرا
العنوان :- 9ش مسجد الايمان متفرع من شارع اسكندر ابراهيم خلف جزارة الزهيرى - ميامى - الاسكندرية
ت:- 5484897 - 0166885063
لسه الحزن حته منك
عارفه .. انا واثق انك بكرة تفرحى
وتقرى الكلام دة وتقولى يااااااه .. اما كنت هبله بشكل
تحياتى
والله يا مريومة مش بنافق ولا بعرف اقول حاجة مش حاسة بيها
اصل الاحساس الي كنت كاتبة عنو كنت عندي ومش عارفة اقول اي
ماعلينا في بوست كتبتو يا رب تحبي
وبعدين انتى مش بتزورى حد ولا ايه
تخيلى لما تلاقى كل ده يامريم
وتطيرى فى السما السابعه
خلاص بقى لقيت توأم روحك
قلم مره واحده
هوب انتهى
ليه بقى
اقرى بوست
رهبة اللقاء اللى عندى
وانت هتتجننى وتشدى شعرك
لو فهمت السبب
عايز يحب و نظره ضعيف
عجبني هذا البيت
بالتوفيق إن شاء الله
بصراحة ماقريتش البوست
بس حبيت اقولك عيد سعيد
وهارد تانى عليه
بقرا الكلام ده وانا بسمع منير دلوقتي وهو بيسأل ، دنيا بتلعب بينا ليه ؟؟؟ ايه راح ناخد منها ايه ؟؟؟
هي صحيح بتلعب بينا ليه ؟؟
ثم لما ..
لم يدق ( الحب ) بابي ..
قلت في نفسي .. عليَّ ..
ايها ( الحب ) .. ترفقْ ..
قد .. صبرتُ .. وانتظرتُ ..
إنما لاشيئ من هذا ..
ولا هذا تحققْ ..
أبتسمتُ .. وضحكتُ ...
فعدتُ .. وكتبتُ .. فوق صدري ..
إن قلبي ..
( خارج الخدمة .. مغلق )
فدعوني ..
في فراغ الوقت ...... أغرق ..
منقول
كل سنة وانتى طيبة
على
لى عودة مرة اخرى
فنان والله يا اسكندراني
انت سلاااااااااااااام
Post a Comment
<< Home